Undir þennan flokk falla afurðir sem hafa sérheiti og gefa til kynna ákveðna framleiðsluaðferð, vörur hæfar til manneldis.
Skreið
Stockfish, dried fish
Almennt er miðað við að skreið sé hausaður, slægður og þurrkaður fiskur sem getur varðveist við umhverfishita. Yfirleitt er klumba látin fylgja bol.
Harðfiskur
Dried fish
Þessi vara getur verið með ýmsu móti en almennt er hér átt við þurrkaðan fisk sem tilbúin er til neyslu. Þetta geta verið flök með roði eða án, þetta geta verið flakabitar af ýmsu tagi o.s.frv. Hráefnið er yfirleitt pæklað (saltað) fyrir þurrkun.
Kavíar
Caviar
Sérunnin hrogn, söltuð, geta verið lituð, krydduð og með rotvarnarefnum, eða gerilsneidd í loftþéttum umbúðum (niðurlagt). Orðið Caviar er í raun bundið við styrjuhrogn en í gegnum tíðina hafa vörur sem unnar eru úr hrognum annarra fiska einnig verið nefndar kavíar en þá er nauðsynlegt að geta tegundar sbr. Lumpfish Caviar / grásleppuhrognakavíar.
Súpur og seyði (jafnblönduð samsett matvæli)
Soups & broths – Homogenised composite food preparations
Súpur eða seyði sem innihalda, fisk, krabbadýr, skeldýr og lindýr.
Safar, kraftur og kjarnar
Extracts and juices
Úr fiski, krabbadýrum, skeldýrum og lindýrum, getur verið soðið þ.e. eimað eða þykkt (concentrate).
Duft, mjöl og kögglar
Flours, meals and pellets of fish
Úr fiski, krabbadýrum, skeldýrum og lindýrum, mjöl, duft og kögglar sem hæft er til manneldis.
Lýsi
Fats and oils and their fractions, of fish or marine mammal
Fiskolía eða fita úr fiski eða sjávarspendýrum.